Բերձորի ջարդից հետո, որի ժամանակ նաև Իգոր Մուրադյանի նկատմամբ էր բռնություն կիրառվել, նա հրապարակավ հրաժարվեց 2003 թ . Ստեփանակերտից ստացած Մեսրոպ Մաշտոց շքանշանից։ Որպես հիմնավորում նա ասաց, որ Արցախի իշխանությունները Արցախը վերածում են "ռուսական զոնայի"։ Այսօր, երբ ՄԻԱՑՄԱՆ ռահվիրա Իգոր Մուրադյանը երկնքում է և չի կարող կրկնել իր մերժումը, Բերձոր կազմակերպած, նրա վրա ձեռք բարձրացրած, նրա կանխատեսմանը համապատասխան Արցախն անջատած ու թշնամուն մատուցած այդ շրջանակը նրան Արցախի այսպես կոչված հերոսի կոչում է տալիս՝ խորը վիրավորանք հասցնելով թե՛ անձամբ Իգոր Մուրադյանի հիշատակին, թե՛ հանուն ՄԻԱՑՄԱՆ իրենց կյանքն ու առողջությունը զոհաբերած մեր հայրենակիցներին, թե՛ մեր ամբողջ ժողովրդին։

Հայաստանի ռուսական բռնազավթումից (1920 դեկտեմբերի 2) հետո՝ բոլշեւիկները 1918թ. մայիսյան հերոսամարտերին մասնակցած հայկական զինուժի ԳՐԵԹԵ ԱՄԲՈՂՋ հրամանատարական կազմը, այդ թվում՝ կամավորական ջոկատների ու աշխարհազորի կազմակերպիչներին ու առաջնորդներին, մարտերում աչքի ընկած հերոսներին, Հայաստանի Առաջին հանրապետության ամբողջ սպայակազմը, պետական ու հասարակական գործիչներին 1921թ հունվարին աքսորեցին Ռուսաստան, մի մասին խոշտանգեցին Հայաստանի բանտերում, իսկ հայ զինվորականության ամբողջական ոչնչացումն ավարտին հասցրին 1937-1938 թթ.: