Արթուր Սարգսյանը՝ Հաց Բերողը…
Արթուր Սարգսյանը՝ Հաց Բերողը…
9 տարի առաջ այս օրը Արթուր Սարգսյանը՝ Հաց Բերողը, գնաց անգնահատելի հերոսական քայլի՝ հաց հասցնելով ՊՊԾ գնդում գտնվող ապստամբ Սասնա Ծռերին:
Մարդ, ով միայնակ կոտրեց վախի պատը, մարդ, ում քայլի մեջ այնքան սեր ու խիզախություն կար, որ լույս սփռեց շատերի հոգիներում և բացեց հույսի պատուհանը:
Արթուրը չուներ զենք, բայց նրա հացը դարձավ ամենաուժեղ զենքը՝ մարդկային խղճի ու հույսի դեմ: Նա ցույց տվեց, որ իսկական հերոսը նա է, ով չի վախենում դիմացի կրակահերթից, որովհետև ներսում կրում է մի բան, որ շատ ավելի ուժեղ է, քան մահվան վախը՝ սերն ու հավատը։
Հաց Բերողը ապրում է մեր մեջ՝ որպես լույս, որպես հիշեցում, որ նույնիսկ ամենախավար պահերին հույսը երբեք չպետք է կորցնել: Նա մեզ սովորեցրեց, որ երբ ցավն ու արդարությունը կռիվ են տալիս ներսումդ, չպետք է լռես:
Նա մեր հոգիներում մնաց ոչ թե միայն որպես մարդ, այլ որպես ՄԵԾ ՍԻՐՏ, որով ապացուցեց՝ մարդ մնալն արդեն իսկ ամենամեծ սխրանքն է։