Սեպտեմբերի 8-ից մինչև 12-ը
Սեպտեմբերի 8-ից մինչև 12-ը Ազգային–ժողովրդավարական Բևեռի (ԱԺԲ) խորհրդի անդամ Գարեգին Չուգասզյանը և դոկտոր Դավիթ Գրիգորյանը (Հարվարդի համալսարան) աշխատանքային այցով հրավիրված էին Լոնդոն՝ մասնակցելու ԱԺԲ-ի հասարակական կապերի վեսթմինսթերյան գործընկերների կողմից կազմակերպված պաշտոնական հանդիպումներին: Այս տարվա հունվար ամսին նման ծրագրային այցով Մեծ Բրիտանիայի մայրաքաղաք այցելել էր ԱԺԲ-ի Խորհրդի անդամ, դիվանագետ և ճանաչված քաղաքական գործիչ պարոն Արա Պապյանը։ Այդ առիթով ԱԺԲ-ի համակիրների կողմից հանդիպում էր կազմակերպվել բրիտանահայ համայնքի հետ՝ ներկայացնելու Հայաստանի առջև ծառացած արտաքին և նեքին մարտահրավերների և ԱԺԲ-ի առաջարկվող ռազմավարական լուծումների քննարկմանը: